九龍城寨之圍城丨票房破6千萬登歷來最賣座華語片第10位　胡子彤被外國記者誤認為梁朝偉

電影《九龍城寨之圍城》上映18日，電影公司宣布影片票房已破6千萬元，成為香港電影史上華語片總票房第10位，而「龍捲風」古天樂拍片代表台前幕後感謝每位入場支持的觀眾。

另外，身處法國康城影展的「城寨四少」林峯、劉俊謙、張文傑及胡子彤在昨日（5月17日）在香港時間約晚上10時開live與網民交流。

九龍城寨之圍城丨網民幻想王晶拍《城寨》會由劉德華演陳洛軍　王家衛執導必chok金句

▲ 「城寨四少」林峯、劉俊謙、張文傑及胡子彤開live。

九龍城寨之圍城丨林峯帶領「Kowloon Four」出團歌

當中張文傑被問到為何在康城首映時激動落淚，他回答：「你唔會明白我哋噚晚喺現場嗰種氣氛，嗰啲人拍手，你哋唔會明。講你都唔明㗎啦！」胡子彤回應：「我嗰個係感動，唔係喊，兩樣嘢嚟。」張文傑即反駁：「我嘅就叫喊，你就唔係叫喊嘅？」胡子彤立刻玩食字稱：「叫喊係觀眾叫喊，『yeah！』咁樣！」 ，

另外，有網民問林峯會否帶「Kowloon Four」出男團歌，林峯說有考慮此事：「覺得我哋四個唱乜都得。你等我演唱會，一齊上台囉！」子彤說：「跳舞嚟講，我叻嘅…」劉俊謙讚：「子彤唱歌係好聽嘅！」

之後更有留言問他們會否唱古天樂的《宇宙無限》，林峯笑言要預埋古天樂一齊。

▲ 古天樂與「城寨四少」林峯、劉俊謙、張文傑胡子彤出席康城影展。

九龍城寨之圍城丨胡子彤受寵若驚

而導演鄭保瑞也有入鏡與網民交流，當中透露《九龍城寨》的兩部續集，一部為前傳，一部後傳，子彤即爭取演出機會問導演：「前傳有冇我哋份？」導演笑稱：「…有嘅！仲係一條蟲嚟嘅！（未出世）」，同時補充：「要睇阿峯點樣成蟲，阿峯就肯定有㗎喇！」林峯笑：「我會努力游㗎喇！」

此外，眾人爆胡子彤被外國記者認錯為梁朝偉，子彤表示：「其實我都唔知點解，有少少受寵若驚，直頭有少少驚到你…我？我？係咪玩緊遊戲節目呀？」

▲ 「城寨四少」林峯、劉俊謙、張文傑及胡子彤出席在康城影展舉行的「香港之夜」。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5